اكثر موقف محرج مر بحياتك

اكيد صادفنا في حياتنا عدد لايحصى من المواقف المحرجه
خلونا نذكر اكثر موقف محرج حصلنا
انا حابدا

اكثر واعفن موقف مر عليه وما انساه ما بقيت هوه لما لما كنت تقريبا ثالث ابتدائي
كنا ساكنين بالقاعده الجويه بالطايف وتصاميم البيوت فيها انه الفاصل بينك وبين جيرانك بالحوش جداار فقط
كنا انا واخواتي وبنات الجيران نجلس نسولف مع الجدار واحيانا كنا ننط ع بعض ونلعب سوا
وكمان كان في حوشهم شجرة رمان ونحنا كمان كان عندنا بس طعم رمان حقتهم احلى
ممكن تقولوا ايش دخل الشجره بس
هيه محور القصه

المهم في يوم من الايام سافروا جيراننا وجاتنا عمتي واولادها من الدمام
قلنا لاولاد عمتي عن الرمان قاموا قرروا انهم ينطوا وياخذوا كم حبه والضحيه اللي اختاروها
عشان تنط هيه انا عشاني نحيفه وخفيفه وسريعه ع قولهم

نطيت وجبت لهم رمان وعجبهم قالوا لازم تجيبي كمان ونطيت مره ثانيه
لكن مو كل مره تسلم الجره بعد ماقطفت الرمان وجيت راجعه نداني جارنا الله يرحمه من شباك غرفته كنت مررره احبه
انا كنت مفكرته مسافر لكن للاسف ما كان مسافر مع اهله
المهم قال ليه ايش تسوي حبيبتي قلت اسقي الزرع قمة الكذب انه الزرع اساسا مسقي
قال خلاص يا بنتي انا سقيته مشكوره وانتبهي ع نفسك

كرهت الرمان وكرهت نفسي وكل اللي حوليه ولقيت تهزيء من الوالد الله يحفظه
خلاني اتوب اطلع الحوش والقهر انه البقيه طلعوا منها زي الشعره من العجينه وكلها جات ع راسي

هذا الموقف خلاني اتوب اسمع كلام الناس الغبيه

» طريقة لختم القرآن في رمضان اكثر من مرة ..