أجمل لحظة في الطفولة ههههههه

ياحياتي يا لوجي حزنتيني لو ادري كان جبتك بيتنا
انا بصراحه طفولتي كانت وناسه كنا اربع بنات ماشا الله وراء بعض بيننا تقريبا سنتين بس وترتيبي بينهم الثالثه
تخيلي بيت كله بنات وناسه صح بس والله كنا هاديين وما نضارب زي الجنس الاخر انت عارفين مين

افتكر احلى وامر لحظات لما سافر بابا لامريكا كان يبغى ياخذنا معاه بس ماما الله يسامحها رفضت بعذر انه اخواتي الكبار راح يتاخروا سنه ع الدراسه انا ماكنت ادرس طبعا فما كانت فارقه معايه كان عمري 4 سنوات تقريبا
كانت حلوه هاذي الفتره لاننا اخذنا راحتنا نسافر مع خوالي اي مكان نطلع من البيت وقت ما نبغى ونرجع في اي وقت ماورانا احد يقول ليش تاخرتوا ولا وين رحتوا

وما كانت حلوه طبعا لاني اشتقت لبابا 6 شهور كامله ماشفته كنت كل ما اشوف طياره اقلها جيبي بابا من امريكا اتوقع حتى الهندي اللي في الشارع عرف ان بابا في امريكا ماما كانت تضربني تقول اسكتي فضحتينا تبغي الهندي يدخل علينا في الليل ويقتلنا تسوي قصص مرعبه ماما


احلى ليله افتكرها لما جاء بابا الدنيا ما كانت شايلتني من الفرحه وجاب لنا هدايا كثييييييييييييره
كلنا نفس الشكل بس الالوان تختلف قلك عشان نفرق بين بعض
بس هاذي احلى فتره افتكرها حاليا وكمان كنت احب اروح لجيرانا عشان بنتهم في عمري كنت اجلس عندهم من وقت ما اصحى الين انام صرت بنتهم ماشا الله حتى بابا سافر وانا عندهم ما ودتعه ولما رجعت وما لقيته جلست ابكي

اسففففففففه طولت عليكم بس حبيت اعرض عليكم لمحات من طفولتي الجميله
ذحين تقولوا قصة حياتها كلها مو طفوله بس


شكرررررا ميمي اعطيتني فرصه اتكلم عن طفولتي

prof.loojee كتب:

ا نا اقولكم اجمل لحظه وش كانت كنت انا عندي صديق خيااالي وكنت اكلمه واصدق وجووده مرره لاني والله يررزقني وحيده اول حفيده ومافي احد قدي ابدا فاكنت اتخيل وجود الصديق كانت بنت واسمها ليال على اسم ابلتي في الروضه
ومرره كنت احبها
وكانت تلعب معايا طبعا ايش بتقولو انتو بسم الله جني ذي
لا كنت والله احبها كانت مررره طيبه
ونشرب شاي وعندي خيمه صغيره كانت تجي معايا فيها
طبعا لااخفيكم علما لاننا عائله سعوديه
متفهمه في اسلوب المس والجن والكذب ماما كانت تهزئني وتهاوشني وفجاه جاها وسواس انو بنتي ممسوسه الين راقيتني وبعدين سالت صحبتها دكتوره نفسيه طبعا الحرمه مدحت فيني وانو من الذكاء والفهم والعبقره...... الى اخره ماما انصدمت مستحيل بنتي الدلخه ذي فيها ذكاء هههه
المهم وقالتلها تزول اذا تعرفت على صديقات بالمدرسه واشبعت الوحده وفعلا
ليال ذي زالت بس رحبو فيني البنات ولكن في شي لم يتغير اذا زعلت اقعد اكلم نفسي في المرايه زي المجانين بس اششششششششش لا تقولو لاحد خصوصا صحباتي بالجامعه لانهم حينصدمو فيني هههههههه

شرفتيني لوجي


من جد الوحده تتعب بس شوفي كيف سرتي مميزه وسارت لك ذكريات احلا

نورتي موضوعي ياقلبوووووو

انا اتذكر اشياء كثيره في طفولتي شي اقدر اقوله وشي ما اقدر اقوله لانه محرج

المهم اكثر شي اتذكره لمن ماما وخالتي قررو يروحو للحج وقررت ماما انها تخلينا ننام في بيت خالتي الي هي ام ميمو فديتهم

شعوري في الاول كنت زعلانه لان امي بتبعد عني بس لمن عرفت اني راح انام عند بنات خالتي فرحت وانبسطت كثير

طبعا كانت احلا ذكريات لانا كنا ننام واحنا نلعب ونقوم من النوم ونكمل لعب هههههههه


ومن الذكريات المضحكه الي مرت علي

كنت نضاميه مره في المدرسه لمن ماما تديني المصروف دايم احطه في جيب المريول الي في اليمين
ما احب احط مصروفي الجيب اليسار المهم مره رحت المدرسه ولمن جاء وقت الفسحه دخلت يدي في جيب المريول الي في اليمين ومالقيت مصروفي وجلست ابكي كنت وقتها اولا ابتدائي هههههههه

ابكي لاني مقهوره ليه نسيت مصروفي المهم بعد ما انتهت الفسحه وجات الصرفه بالصدفه دخلت يدي في جيبي اليسار ولقيت مصروفي ههههههههه ورجعت ابكي مره ثانيه لاني مافكرت ادور في جيبي اليسار ههههههههه والله حاله


من جد كانت احلا ذكريات حتى لو كانت تضحك

يلا الي بعدي شدو حيلكم ونطلقو في التعبير عن ايام الطفوله

والله كل لحظات الطفولة جميلة


انا ياحبايبي كنت انا واختين اكبر من وبنت عمتي نلعب مع بعض دايما


تخيلو عارفين الالوان الخشبية حقت زمان كنا ناخذها وكل وحدة تعملها عائلة من الالوان يعني نجيب الكحلي

ودرجاتو دي عائلتي عارفين كيف ونخليها الام والابو والاولاد والبيت حقهم كنا نعملو من اشرطة الفيديو الكبيرة

والله كنا ننبسط مرررررررة وكانت حوسة لو كنا نبى نلعب دي اللعبة



وافتكر كمان لمن كنا نلعب حريم زي كل البنات كنا نجيب الهيل ونحطو مع المويا وهذي قهوتنا العربية والله كنا نفكر



وكمان انا واختي الي اكبر مني بسنتين وبنت عمتي اكبر مني بسنة لمن كنا نروح الملاهي واي مكان كانو لازم يقولو انهم هما الاتنين اخوات وانا بنت عمتهم ليش مدري بس اختي كانت متبرئية مني الله يسامحها



وبس دا الي اافتكرو

مررررة شكرا ياميمو عالموضوع الحلو الي زيك ياقمر


من جد حلوة ذكريات البنات كلهم الله يعطيهم العافية وخصوصا ميمو هيا والبيض والطماطم الحمدلله ماكنا نتعذب زيكم

M!Mz كتب:

ههههههههههههههههههههههههههههههههههههههههههه
نايس موضوع يا ميمي

طيب انا افتكر انو عندي اخت كبيره شاركتني في كوووول شي

حتى فو صوري تلاقونها محشوره معايا

ماخلتني اتهنى بطفولتي ص2

فديتها الله لايحرمني منها منولتي
من جد صديقه طفولتي وصحبتي واختي

وكمان افتكر اني من يووووم ما اعرف نفسي وبابا يبني في البيت الي احنا دحين ساكنين فيه

وكنا كل جمعه بعد مانفطر فطور الجمعه المقدس نيجي العماره نتفرج فيها
ونلعب وننبسط واحيانا نشوي

كمان لمن كانو بنات خالتي الي هما اهل ميمي يجو عندنا ووحده منهم تبات عندنا
كنا نلعب حريم
خخخخخخخخخخخخخخخخخخ
ونجيب الفناجين ونعبيها مويه قال قال قهوه
وفي العيد مره ماما وخالتي سافرو يحضرو زواج بنت خالتي الكبييره وجوا بنات خالتي الصغيره ينامو عندنا

ووقت الفطور من الحماس الزايد بنت خالتي الصغيره دخل وجهها في صحن الفوووووووووووووول
ههههههههههههههاااااااي
االهم لاشماته

كمان بابا كان عنده اساليب لتعذيبنا واحنا صغار

كان يشتري طبق البيض ويقعدنا انا ومنول قدامه ويفقع 3 بيضات من فوق
ويخلينا نشربها نيييييييييه
الحمدعالنعمـــــــــه
وكمان كان يجلسنا زي المؤدبين قدامه ويشربنا عصير طماااااااااطم
تهو تهو تهو

وايام عيد الاضحى كنا دايما انا ومنال لمن بابا يجب اللحمه
ناخذ الكلاوي ونلعب فيها عرايس
نسويلها سرير بعلبه المناديل ولحاف بالمناديل ونلعب
هههههههههههههههههههههههههههه

وربي جيل تووووووحفه

ايش كمااان يا ميما >> دخيلك كفاااايه




خلاص حأعتقكم


يسلمو ميمي عالموضوع الحماااااسي والفني

يلا الي بعدي ينشر غسيله ولو افتكرت شي حأرجع

الله يسلمك ياقلبي انتي


اول شي من جد وحشتينا يلا ارجعي ورجعي منوله معاك ولا ترا انتحر



ثاني شي مره ضحكتيني فديتك وربي رجعتيني لايامنا الحلوه

وذكرتيني باشياء كثيره كنا نسويها انا ومنولتي حبيبتي الي وحشتني مره

نورتي موضوعي ياقلبي

R0o0oR0o0o كتب:

والله كل لحظات الطفولة جميلة


انا ياحبايبي كنت انا واختين اكبر من وبنت عمتي نلعب مع بعض دايما


تخيلو عارفين الالوان الخشبية حقت زمان كنا ناخذها وكل وحدة تعملها عائلة من الالوان يعني نجيب الكحلي

ودرجاتو دي عائلتي عارفين كيف ونخليها الام والابو والاولاد والبيت حقهم كنا نعملو من اشرطة الفيديو الكبيرة

والله كنا ننبسط مرررررررة وكانت حوسة لو كنا نبى نلعب دي اللعبة



وافتكر كمان لمن كنا نلعب حريم زي كل البنات كنا نجيب الهيل ونحطو مع المويا وهذي قهوتنا العربية والله كنا نفكر



وكمان انا واختي الي اكبر مني بسنتين وبنت عمتي اكبر مني بسنة لمن كنا نروح الملاهي واي مكان كانو لازم يقولو انهم هما الاتنين اخوات وانا بنت عمتهم ليش مدري بس اختي كانت متبرئية مني الله يسامحها



وبس دا الي اافتكرو

مررررة شكرا ياميمو عالموضوع الحلو الي زيك ياقمر


من جد حلوة ذكريات البنات كلهم الله يعطيهم العافية وخصوصا ميمو هيا والبيض والطماطم الحمدلله ماكنا نتعذب زيكم

مشكوره رووورررتي


نورتي موضوعي بذكريات طفولتك الحلوه

ذكرتيني باحلا لعبه الي كل البنوتات يحبونها الي هي لعبة حريم من جد كانت احلا لعيه

فديتك ياقلبي