الصمت .. قصيده

قالوا علامك صامت وقلت يانـاس
كثر الكلام يقـل لاجلـه مقامـي

الصمت حكمه والحكي مصدر إفلاس
ولقيت في صمتـي يزيـد احترامـي

الصمت له معنى وله ذوق وإحساس
مركب نجاتك فـي بحـور الظلامـي

ترى الرجل صوره من الراس للساس
ثـم يتبيـن جوهـره...... بالكـلامـي

إما نطق في كلمـه ترفـع الـرأس
تضفي على شكله جديـد الاسامـي

وإلاّ يعوّد معدنـه معـدن انحـاس
يرميه سهمـه بعـد ماكـان رامـي

لا صار عندك من ثمينـات الألمـاس
خله بصدرك ليـن وقـت التمامـي

أخاف يطلعلك من النـاس بـلاس
وإلا سفيـه مـا يـرد..... السـلامـي

الله خلق خلقه على عـدة أجنـاس
وكلـن يسوقـه ....مذهبـه للأمامـي

والله خلق بالطير قمـري وقرنـاس
ووقت الهدد ما ينغـزي بالحمامـي

لا جال في صدرك من الهم هوجـاس
وعينـك يحاربهـا.... لذيـذ المنـامـي

ونفسك عليله والفكر صار محتـاس
اترك طمان القـاع وارق السنامـي

عليك بالعالـي ليـا هـب نسنـاس
يبري الجـروح الخافيـه والعظامـي

وخلك لربعك دايم الـدوم نبـراس
وخص القريب وخص ولد العمامـي

خلك لهم في داجي الليـل مقبـاس
وللصاحب أصدق من حقوق الغمامي

ربعك ذراك ليا لحق راسـك البـاس
قدم لهم شربك ولو كنـت ضامـي

وخلك لثوب الطيب والعـز لبـاس
واتـرك دروبٍ تنتهـي بالحرامـي

وفعل الجميل وواجب الضيف نوماس
ومن لا نفع بالضيق نفعـه عدامـي

بيت الكريم أبوابه بـدون حـرّاس
وبيت البخيل يعـد مثـل الهدامـي

كلٍ بهـا الدنيـا نصيبـه بمقيـاس
ياخـذ نصيبـه لوجفـوه الأنامـي

جتني ويارب تعجبكم
لكم كل المنى ,,!!

صح لسانك اخوي سوري نقلنا الموضوع لمكانه الصحيح

جعل عمرك سالم

prof.loojee

يسلم عمرك اختى العزيزه
الف شكر على استحداث نافذه للشعر
ولنق الموضع ... لا عدمناك
دمتي .. مبدعه

صح لسانك اخوي

كانت القصيده جدا رائعه الله يعطيك العافيه

ننتضر جديدك